کؤزلی کؤیلوم

X

کؤزلی کؤیلوم

YANİR İÇİM;YATANMIRAM; GECƏ GÜNÜZ OYAQ QUŞAM


	نییه یازمیرام نییه یازمێسان منده‌ن سوْرۇر بیر بی بۇ گۆن یازانمێرام آمان بییم، یوْلۇم بۇ غۆربته دۆشه‌ن گۆنده‌ن... اؤنجه گۆنله‌ر، بیر نئچه سؤز یازێب پوْزدۇم، گتیرمیشدیم من اؤلکه‌مده‌ن ایندیسه، سن دئ من یازێم، نه‌ییم واردێ، نده‌ن یازێم سحر ائرکن بئش یارێمدا، بیرجه کیچیک مینی بوسا مینیب، گئدیره‌م ایشیمه آخشام گینه قایێدێرام بئش یارێمدا آرغێن-یوْرغۇن، هۆش‌سیز-یۇخۇسیز ... گلیره‌م ائوه، اوْدا منه آرتێق دارغێن، بیر دار اوْتاق، یوْخ بیر دار یاتاق ... دا سۇسموشام، دا سوْلمۇشام، بیرجه قفه‌‌س ائو آدێدێر .. چیخیب گزه‌م حاشا نئجه؟ هارا گئده‌م؟ کیمه گئده‌م؟ اۆره‌گ سؤزۆن بۇ غۆربتده کیمه دییه‌م بۇرا بۆتۆن غۆربت منه – آداملارێ آیری گلیر نظریمه آغ دوْو بۇردا- جیرتدان تۇتۇب یئمه‌گینه دیش ایتیلده‌ن قارێ بۇردا بۇردا ائشیدمیره‌م آنا – بۇردا گؤره‌نمیره‌م آتا بۇردا باجی – قارداش اؤلۆب، بۇردا بۆتۆن اینسان ایتیب... بۇردا پارا-پولدی بیتیب شاملایێبان، چوْخلۇ شامسێز تئز یاتێرام ... من یاتێرام ... گۆنۆز ایشه باش قاتێرام، گئجه باشێمێ یوْرغانا ... من یاتێرام ایش دی یۇخۇ منیم ایشیم... هاردا یازیم؟ نئجه یازیم؟ نده‌ن یازیم؟ بۇردا سؤزجۆگله‌ر اؤلۆبله‌ر، سؤز تاپێلمێر، نه سؤزجۆگه ایضاح وئریم؟، نه دئییمی آچێقلایێم؟ گؤزه‌ل، مارال، آیدێن، آتا – آنا،باجێ، قارداش، بالا بۇلار غۆربتده تاپێلماز، تاپیلسالاردا تئز سوْلار... حایێف دگیل بۇردا اوْلار ... من یاتێرام ... یۇخۇ منه آیرێ دۆنیا، یۇخۇ منه اؤز یۇردۇمدۇر، یۇخۇ منه اؤز کندیمدیر یۇخۇ منه آتا، آنا – یۇخۇ منه باجێ قارداش یۇخۇ منه مین بؤلۆملی قالێن سؤزلۆگ خان چوْباندێ، سارێ اینه‌ک، سارا، آیدێن، جیرتدان بالا اۇشاقلێقدێ یۇخۇ منه بیرجه یۇخۇم، یۇخۇسێز اوْلمایێب منیم یۇخۇ گؤرسه‌م، وطن‌سیز اوْلمایێب یۇخۇم آخ یاتێرام، هئی یاتێرام، بۇ گۆز گۆنۆ کندیم نئجه دوْلانێرام: چوْبان قارداش – اوْن سگگیز یاشدا بیر ایگیت، ایلک چوْبانلێق ایلیدی- پایێز دۇمانێ ایچینده داغێدێب سۆرۆ داغ – داشا یانچی باشدا، چوْبان چایێن ایچی داشدا چؤره‌ک کسه‌ن داغێن بۆتۆن، اتک باشا، سۆرۆ یایێب گؤر نه یئییر، قمه‌ر قوْیۇن آغ اوْت کاما، قیزیل قوْچۇ قوْیۇن دادا کیرمان کئچی داغ – داش قاچا دؤرد دؤیره‌ده هئزان ایتله‌ر، ایندی گلسه قۇرد نه ائده‌ر؟ دۇمان آرتێق چؤکۆر بته‌ر، گؤز گؤزۆ ایندیجه سئچه‌ر! آخێ دییه‌ر آتا: قۇرتدا دۇمانلێغی گزه‌ر چوْبان قارداش آیێق اوْلا، ایندیجه قۇرتدا تئز گله‌ر ایتله‌ر هۆردۆ، سۆرۆ هۆرکدۆ کئچی برکده‌ن بع بغیردی، قۇرد پایێنێ آلێب گئتدی چوْبان قاچێب هایا گلدی، ایتله‌ر باسدێ، یێغێشدیریب قۇردۇ تۇتجاق کیرمان کئچی قۇرد الینده‌ن گؤر قۇرتۇلۇب نئجه قاچدێ، قوْیۇنلارێن ایچره قوْرخاق اؤزۆن باسدێ قۇرد قۇتۇلۇب دۇردۇ قاچدێ... سۆرۆ گینه اوْت اوْتلادێ... تۇستۇ قالخدی، چایدان اوْد اۆسته فۆشخادێ، چای دمله‌نیب، سۆرۆ یاتماز ایاق اۆسته نئچه بلگه، ساری یاغ شوْر قاتێب چوْبان یئییب، ایتله‌ره یال آتێب، چایێن ایچیب گیره‌وه‌نی آلێب یانچی گلیب چؤره‌گ یئییب ... گینه آخشام سوْیۇق هاوا سۆرۆ گلیب کنده یئتیب داوار گیریب کۆمده یاتێب ... کند آدامی گئجه چاغێ ائو دوْلانێب ناغێل دئییر آنالارێ، چای دمله‌ییر باجێلارێ بیر باخ بۇرا، سؤزجۆگ قوْشۇن قۇرۇب دۆشمۆش یوْلا چوْخ دییه‌نی،یوْخ یێغانێ، سؤز یازانێ گؤر نه هایدێ کند دؤیره‌سی، قۇردلار باسێر کنده ساری ایتله‌ر قۇرۇب داش دۇواری من یاتێرام بۇ یۇخۇدا دیری قالام، یاشایێشی اوْردا تاپام من یاتێرام من یاتماسام، اؤله‌جه‌یم، وارلێغێم یۇخۇدا منیم من یاتێرام اهواز – 17-8-1387 \|+\| نوشته شده توسط MAHMİT در سه شنبه بیست و یکم آبان 1387 \|


	ال الیمی وئرمیشه م اله جانیم قوربان فیتنه تئله شاتدون کیمی اینجه بئله سال الینی سن بئلیمه بیرجه آرتیق دولا نرگیز \|+\| نوشته شده توسط MAHMİT در یکشنبه بیست و هشتم مهر 1387 \|


	دونیایا جان گلیر دونیایا جان گلیر، گؤزه‌ل گلیر سن گله‌جه‌کسن گۆمانێم واردی منیم! نییه اوْلماز نده‌ن اوْلماز، سن گله‌جه‌کسن، من دۇروم بیر ایاقا قاپ باجانێ بیر سۆپوروم یوْخسا اوْتۇروم، اؤلمه‌گیمی سن دئ گۆدوم یوْخ بیلیره‌م سن گله‌جه‌کسن، سؤز-ساوال چوْخدۇ، دئییلــله‌ر گله‌جه‌کسن ... عالمه دۆشموش بیر بئله های-کۆی، بیر قێران مین قێرێلان وای نه خبه‌ردی؟ قوْرخۇدان قاچماغا یوْل باشلامێشێک بیز، آمما دئییلــله‌ر سن گله‌جه‌کسن سن گله‌جه‌کسن، سن گله‌جه‌کسن، دونیایا سالمێسان ولوله، سن گله‌جه‌کسن ... آهای آیاق یالێن، آج قارێنلی گۆن گؤرمه‌یه‌ن کتدیله‌ر، آجلار، یوْخسۇللار، یازێقلار یوْخدۇ سیزه یانان اۆره‌گ یازێقلار شهه‌ره‌ده گئتدیز گینه قارنێز سیزین دوْیمادێ اۇمدو بالاز آجیندان باخ دۇرمادی اۇشاقلاریز قوْل قێچلارێ چیلپاقدێ اینانمێسیز دونیا سیزه قیرجه‌نیر، بیر دایانێن سیز، قۇلاق آسین‌ کیمدی دئییر: بیز یازێغیک، سن گله‌جه‌کسن سن گله‌جه‌کسن، سن گله‌جه‌کسن، اۇمۇدۇم واردی منیم، اۇمودو واردێ بۇ دونیا ... بیز داغێداق بۇ هۆرکونو، قوْرخۇنو، بیلیریک آی بۇ وارلێق گؤزه‌لی سن گله‌جه‌کسن گئچمیش، گله‌ن، وار یوْخ بۇ اۇجو دا سؤیله‌ییر: سن گله‌جه‌کسن، سن گله‌جه‌کسن ... ظولم‌-فساد دینچی بئلین سێندیریب، ظالم‌لره فلک کؤتدو گۆن وئریب، بیز باخێریک دین-ایماندێر گئدیب قان اوْلۇبدور باغرێم دوْلو آغلایێر، آغلار-آغلار دئییر: هله-هلبه‌ت سن گله‌جه‌کسن ... چوْخسێ‌لارێ ایسته‌دیلر گلمه‌دین، مینجه یاردیم اوْنلارا سن ائیله‌دین بیز ایسته‌دیک ایسته‌ییریک گله‌سن، سۆچ بیزده‌دیر سن گلمیسه‌ن آی گؤزه‌ل دیله گلیب یئر گؤی دئییر: سن گله‌جه‌کسن ... هامێ ایناناجاق گلیرسن، بۇ های هارای گلمه‌گیوی بیلدیریر یوْخسا ندیر سبب، عالم چؤنیری کیمسه‌نی دیندیرسن سؤیله‌ییری: سن گله‌جه‌کسن ... آدێن اوْلۇب چوْخ دیللــه‌رین ازبری، بۇنا تانێق سئوه‌نلرون سؤزلری: "ائده‌رم هر گئجه حسرتله خیالون گؤزه‌لیم آیا باخدیقجا دوشه‌ر یاده جمالون گؤزه‌لیم" داها یوْخ وهم-گۆمان، سن گله‌جه‌کسن ... بۇ گلیر ایندی الیمده‌ن: کۆچه‌لره سو سپمیشه‌م، یار گله‌نده توْز اوْلماسێن یوْل گؤزله‌ییر، عاشێق گؤزلر، دلی کؤنول، یانان اۆره‌گ، یازێق تاپان سس سسه قوْشمۇش سن گله‌جه‌کسن، سن گله‌جه‌کسن ... خوْش گلیرسن بالنیز گؤزه‌ل، خوْش گلیرسن آی آفاندیم \|+\| نوشته شده توسط MAHMİT در یکشنبه هفتم مهر 1387 \|


	باجێم _{نئچه ایللــه‌ر کی، کندیده‌ن قۇما گئده‌نده آغلاشاراق آیرێلمیشیق، بیر ایل بیر آز کندیده‌ن اۇزاقلاشاراق ماشێن خاراب اوْلدۇ و بو کندیده‌ن تپه باشێندان باخان آتا-آنام و باجێ‌لارێم گؤرۆردو. آللاه باجێ لارێم نه تئز اؤزلرین یئتیردیلر و نه باخێردیلار یئته‌نده شن ایدیلر آمما چوْخ تئز سوْلدۇلار، ماشێن نئچه دقیقه‌نین ایچینده یوللانێردی و من یانێردیم اوْلار یانێردی} باجێم یای باشا ایســـتیر چــاتا اۆره‌گــیـم دوْلــۇب قـانـا گئتمه‌ک وختی یئتیشیب آیریلماق سؤزۆ دۆشوب آتـا-آنـا قـمـلــــــی‌دیـــر ناز باجیم گؤرکملی‌دیـر گئتمه‌ک سؤزۆ دۆشیری باجێ حالدان گئدیری ساکلارێ باغلایێریک باجێ‌نی داغلایێریک دیره‌گـــه دایانێــــردا قمیله هئی باخێردا هرده‌ن بیر سؤزه گلیر اۆره‌گی قانا دؤنۆر دئییر داداش گئتمه‌یین سیز بیزی ترگیتمه‌یین باخێن دده قوْجالێب نه‌نه اۆز رنگین آتێب قاباقدان پایێز گلیر پایێز گئدیر قێش گلیر تک‌لیک سوْیۇق‌لوق گلیر باشا مینجه ایش گلیر آتا تکدیر گزه‌نمیر تک ایش گؤرۆب دؤزه‌نمیر دام داشێ قار باساجاق کؤمه‌گه کیم دۇراجاق کۆملره سۇ دوْلاندا دامجێ دامێ آلاندا داوارلار آج قالاجاق دام اۆچوب چؤل اوْلاجاق دده آلێزلایاندا نه‌نه‌می درد تۇتاندا من بیرجه تک قیز اۇشاق هارا قاچێم باش یوْلاق نه‌نه بئله دیللــه‌نیر داها آرتێق دردله‌نیر قیزیم گره‌ک گئده‌لر گئدیب درس اوْخۇیالار قایێدیب گله‌ن زامان سنه آلاللار تۇمان دئدی آنا نئیلیره‌م قاغاسێز هئچ گئیمیره‌م قاغالارێم گئدمه‌سین منی چوْخ اینجیدمه‌سین کؤهنه کؤینه‌گ گییه‌ره‌م اۆره‌گی شاد ائده‌ره‌م گؤردی سؤزین آلان یوْخ سؤزلرینه باخان یوْخ گلدی خیرده قارداشێن آلدی اله اۆز باشێن قۇربانۇوام آی قاغا گئدمه‌گینه‌ن سن قال‌آ سحه‌ر اینه‌ک دوْغاندا کۆمده اؤکۆز یاتاندا من کیمینه‌ن دئ گئدیم بیزوْوۇ نئجه گؤرۆم قۇزۇ چێخان زاماندا اۇشاقلار اوْیناشاندا هامێ قێزلر قاغالێ منده سن‌سیز یارالێ بؤیۆک قاغا گئدیر بس گلیب سنه دییه‌ر درس آیریلماق قمی دۇتمۇش قاغاسێ دا بوْغۇلموش اوْندان جاواپ اوْلمادی باجێ قارداش آغلادی دده ساکێت اوْتۇروب نه‌نه ده گؤزۆن یۇمۇب دده نه‌نه دینه‌نمیر باجێ‌یا سؤز دیه‌نمیر الین قوْلۇب قوْینۇنا ائوده‌ن چێخیب حایاطا بیر آزدان سوْرا گلیب الین ده قیریق بیر ایپ چاغێردێ آی آتا دور قۇلاغلارێنی سن بۇر ال آیاقلارێن باغلا گؤزه‌لـلـه‌ریمی ساخلا ... یای باشلانێب گلمیشیک گؤزه‌ل کنده چاتمێشیک هله ناهار اوْلمایێب قوْجا آذان سالمایێب آنا قاچار گلیبدی بیزیله گؤرۆشۆبدی ایستی چؤره‌ک گتیریب بیزه قاینالتی وئریب آتا گئدیبدیر ایشه باجێ ائوده یوْخ نییه؟ آنا جاواب وئریبدیر "آتوْزۇنان گئدیبدیر" "اوْ گؤردۆغۆز قێز دگیل" دده‌سی یالقوز دگیل هر گۆن سحر اوْیانێر دده‌سینی چاغێریر اوْن‌نان گئدیرده چؤله چؤره‌ک چایێن وئرمه‌گه آخشام چاغێ گلیرده منه کؤمک ائدیرده بۇگۆنۆ قالێن هله سحر گئده‌رسیز چؤله گۆن باتێبدیر گلیبلر ائوده بیزی گؤرۆبلر اوْلارێنان گؤرۆشدیک سوْنرا اوْتدوق دانێشدیق دده لاپ ایی‌لیبدیر باجی چوخ اری‌ییبدیر گؤزۆن تیکیبدیر یئره نمنه دئمیر بیزلره اگنینده کؤهنه دوْندۇ اته‌کده‌ن باشا توْزدۇ دوْنۇ چوْخلێ جیریلیب الـله‌ریده بیچیلب باشێم اۇجالدانمێرام باجێ‌یا باخانمێرام حتمه‌ن دوْنۇن گؤزلیری بیزده‌ن سوْوقات ایستیری پۇل وارێدی سوْوقاتا گۆجله گلدیک داغلارا؟ بیر آز کئچدی دۇروبدو اۆست دوْنۇنۇ سوْیۇبدو ال آیاغێن یۇیۇبدور یوْرغۇنلوغون سوْوۇبدور چێراقلارێ یاندێریب ائو باجاسێن تئز تۇتۇب ... اینه‌ک داوار گلیبدیر حایاطی دوْلدۇروبدور چێخدیک حایاطدا دۇردوق اوْ حئیوانلارا باخدێق نه‌نه الینده بایدا گلیب اینه‌ک ساغماغا سارێ اینه‌ک یوْخ‌ایدی بیزوْوو سسله‌نیردی باجێ دیله گلیبدی بیزوْوا سؤیله‌ییبدی یئتیم قالان بیزوْووم سسله‌نمه یات بیزوْووم داهی نه‌نه گؤرمزسن بیرده سۆت امه‌مه‌زسن دئدیم نه‌نه اینه‌گه نه اوْلوبدۇ دئمه‌گه یازێن اوْرتا آیێندا نخیرچی قاباغێندا اینه‌ک قاچێب ایتیبدی گلیب خبر وئربدی ددوْن آدام تاپمادێ گزمه‌گه دۇرانمادێ سحر خبر یئتیبدیر اینه‌گی قۇرد یئییبدیر باخێرام باجێ آغلێر اۆزۆنه سۇ قالایێر نه‌نه گینه دانێشیر اۆره‌گیمیز آلێشیر باشیز سیزین ساغ اوْلسۇن آغ قوْیۇن، کۆره قوْیۇن داغدا قالێب ایتدیلر قۇرد الینه دۆشدولر حئیواناتین ایتمه‌گی ددوْزۇندا دۆشمه‌گی بیزی چوْخ ازدیریبدیر یامان گۆنه سالێبدیر باجێ بیرده‌ن اوْدلانێب نه‌نه دده تک قالێب اوْنۇتمارام اوْ گۆنی دده یێخیلان یئری کرگه‌لرین کؤمه‌گی دده‌مین تک کؤلگه‌سی دئدی برکده‌ن آغلادێ اۆره‌گیمی داغلادێ داوارلارێ تۇتموشوق نه‌نه‌یه ساغدێرمێشیق دده مچیدده‌ن گلیب نه‌نه شوْربا گتیریب باجێ بیزله دانێشمیر کیمسه‌ ایله سوْرۇشمور ایلده‌کی نازلێ باجێ بۇ ایل آتێب قارداشێ ایلده بئلیمه مینه‌ن بۇ ایل گؤزۆنده‌ن دۆشه‌ن خیرده قارداش جان‌ایدی ایسته‌گی گؤرمه‌گی‌ایدی ایندی یانێنا گئدمیر هئچ گؤزۆنه گؤز تیکمیر اؤز قابێنی گؤتۆردی تئز یئییبه‌ن چکیلدی نه‌نه ایگنه ساپ هاردا؟ دوْنۇم یامان حالێندا دوْنۇن قوْیۇبدۇر یئره باشلایێبدیر تیکمه‌گه اللـه‌رینه باخێرام اؤزۆمده‌ن اۇتانێرام جیریق-جیریق اوْلۇبدیر ایگنه اوْنا گیریبدیر تیکه-تیکه دانێشیر هئی اۆره‌گیم آلێشیر نه پیس پالتار تیکیبلر ساپلارێنی قیتیبلر ... سحر تئزده‌ن ها دۇردوم باجێنیدا گؤرمه‌دیم اله بیر اوْراق آلدێم کؤیشه‌نه یوْل باشلادێم \|+\| نوشته شده توسط MAHMİT در یکشنبه هفتم مهر 1387 \|


	قارغیش بيز سيز آغ قيرميزي اوشاق بؤيوك قادین کیشی قیز اوغلان قاری قوجا اينسانيك اينانيز اينسانليغا باش اييز هاچاناده‌ك جيهالت ايچره ياشاماق هاچاناده‌ك بو اينسانين قانين تؤكمه‌ك هاچاناجاق وحشي قالاك نييه بالا آيري دوشه دوغما آناسيننان نييه نييه گنه دويوشلرده اينسان قاني آخا يئره هاچاناجاق قان ايچه‌جئك اينسانلار ائوين ييخه‌جئك قارغيش اولسون آرتيخ تاماه باشقانلارا قارغيش اولسون اؤلدورمه‌گي باش اوجاليق بيله‌نلره قارغيش اولسون قان تؤكه‌ني اؤز ائلينه ار بيله‌نه هاچاناجاق بيز قالاجئك قان ايچينده ياشاياجئك قان دنيزي سون گونو بيزي بوغاجئك قارغيش اولسون اونلاراكي اؤزگه يوردا ايلجار باسدي قارغيش اولسون اونلاراكي قنيم اوزونه دورمادي قنيم له دويو‌شه‌نلري اؤز يوردونا چاليشاني يابانجي‌ني بوديياني ميلله‌ته خايين آدلادي قارغيش اولسون خايين‌لارا اؤز يوردوننان، ميلله‌تيننه‌ن اوز دؤنده‌ريب، قنيمه قوللوق ائده‌نه قارغيش اولسون چنگيزلره، كوروشلره قارغيش اولسون تيمورلره،دريوشلره، ناديرلره قارغيش اولسون كوروشو آلقيشلايانا چنگيزي قارقيشلايانا قارغيش اولسون اؤز رذيلين يئكه‌لده‌نه، آيري فاضل كيچيلده‌نه قارغيش اولسون اونلاراكي يالنيز علي‌‌(ع) الينده بير قيليج گؤرير قارغيش اولسون اونلاراكي دين مذهبي ميلله‌ت اوچون افيون گؤره‌ر قارغيشلارين هاممي‌سي اولسون اونلارا اينسانليغين اته‌گينه بو دونيادا قره ياخا آي اينسان، قويمايين اينسانليغيزي گئده بادا قويمايين اينسان دريسي گييه‌ن قابان گيرسين باغا اينسانليغ اؤله اينسان آدي گيره يئره آلقيش اولسون اونلاراكي قارغيش‌لاميللار اينساني آلقيش اولسون اونلاراكي آنلاميللار سؤز يالاني آلقيش اولسون اونلاراكي برك اينانيبلار آللاهي آلقيش اولسون اونلاراكي اوز آغارديب اينسانليغي اولارمي بير گون اينسانا؟ قارغيش سؤزو دوشه يانا بوتون سؤزلر آلقيشلاما ايناناك بيز اينسانليغا كيمسه، كيمسه‌يه دينمه‌يه اؤزگه حققين ديله‌نمييه داغدا داشدا، چايدا چؤلده، بيرليك گولو بيته بشر آزادليغين دادين بيله دارغين آدين ائشيدمييه يالنيز آلقيش سؤزون دييه اينسان اينسان اؤلدورمييه، گؤزه‌ل تانري‌ني دانمييه يئر اولمايا سار سؤسه‌ره، ييرتيجييه، بولبول گله بو چيمنه اولارمي اوجور بير گون آنا بالالار قول بويون آيريلمايالار اؤلونجه قنيم دوشمه‌ن سؤزو ايته هاممي اؤز يوردوندا بيته دؤيوشلر آلتي سيه ظاليملرين قولو دوشه مظلوم حقي اوسته دورا ظاليم داييم اونودولا آي آللاه، ظولمون ائوين اؤزين ييخا بو چال – چاپير، بو قيرهاقير بو دؤيوشلر اومود قويمور ائله گئئنه گينه تانري يارديم ائده داشناك گيبي باش كسه‌نلر صئهيون تكي ائو ييخه‌نلر فاشيسم كيمي اودلايانلار آريا تك اوستون نژاد نجور اولا ائله بير زاد قان تؤكمه‌غدي اونا هر زاد حاشا دويا اينسانليغين واي حالينا قارا گونو آرتيق وارا قارغيش اولسون اونلاراكي قارا گونو اينسانليغا يينه آرتيق سوره‌جئكلر \|+\| نوشته شده توسط MAHMİT در یکشنبه هفتم مهر 1387 \|


	منی تورکجه یازدیران سوزلر _{دئسه‌ز عؤمرون نئچه دی؟} _{دییه‌م ایکی گئجه دی} _{هانکی گئجه؟} _{اوْ گئجه کی اوْتۇردوم} _{یارێملا هئی دانێشدیم} _{سوْنرا نه اوْلدۇ؟} _{یارێن یاتماق چاغێ ایدی} _{منیم دۇروب گئتمه‌گیم} _{هارا گئدئیدین؟} _{اۆره‌گیم آغلایێردێ} _{گؤزله‌ریم سۇ تؤکۆردۆ} _{اوْردا قالایدێن؟} _{اۆره‌گ دئییردی سحه‌ر} _{اوْلۇنجا من اؤله‌ره‌م} _{دۆز سؤز دئییرمیش سنه؟} _{بیرده یارێمی گؤره‌م} _{چتین زامان چکه‌ره‌م} _{گؤره بیلمه‌زدین؟} _{دۇردوم آیاغا گله‌م} _{قیچله‌ر تۇتولدو بیله‌م} _{مجبور گله‌سن؟} _{گؤزۆم قالمێش گؤزه‌لده} _{ناچار آیاق گئتمه‌کده} _{ای وای سنین حالێنا} _{بیرده‌ن سسی آچێلدێ} _{گؤگلیم منیم آتێلدێ} _{نه سؤیله‌دی اوْ سنه؟} _{گئجه گئتمه بۇردا قال} _{ییخیل یات یانێمدا قال} _{دئ سن اوْردا نئیله‌دین؟} _{ائلئیکی قاندیم سؤزۆ} _{اگنیم اوْلۇب قیرمیزی} _{آغلادێن؟} _{اۆره‌گ بیرده‌ن قایێتدێ} _{آیاغلارێنا دۆشدۆ} _{اؤپمه‌دین؟} _{اینانمادێ آغلادێ} _{اوْ سؤزۆنۆ ایسته‌دی} _{نه دئدی گؤزه‌ل؟} _{ائلئیکی یارێم گینه} _{اوْ سؤزۆنۆ سؤیله‌دی} _{اوْینادێن؟} _{اۆره‌گ دۆشدۆ چاشێما} _{سئویندی اؤز حالێنا} _{خوْش سنین ایقبالێنا} _{کوْر نه ایسته‌ر آللاهدان؟} _{بیر جۆت گؤز گؤرمه‌گینه} _{آمما سن؟} _{‌یار نه ایسته‌ر یارێن‌دان؟} _{بیر گئجه اوْنلا قالماق} _{قالدێن می؟} _{من ایکی گئجه قالدێم} _{پس مطله‌بیمه چاتدێم} _{دئ هامێ چاتسێن} _آمێن _{ــــــــــــــــــــــــــــــــــــــــــــــــــــــــــــــــــــــــــــ} _{منه دینله‌یجی اوْلان‌لار هامێسێ وار اوْلا آللاه} _{گۆل اۆره‌گله‌ری بۇتۇن قۆصصه‌دن آزاد اوْلا آللاه} _{من کی ایلله‌ر بوْیۇدو عئشق-ی- قم ایچره یانێرام} _{عاشێقه ظۆلم ائده‌نین باغرێ گؤرۆم قان اوْلا آللاه} _{ـــــــــــــــــــــــــــــــــــــــــــــــــــــــــــــــــــــــــــــــ} _{مکه‌یه گئده‌ن گؤزه‌لیمه دئمیشدیم:} _{گؤزه‌لیم کعبه‌‌ده‌ سن ایندی ناماز ائیله‌ییسه‌ن} _{اۆز تۇتام کعبه‌یه من، سنده دوعا ائیله‌ییسه‌ن} _{زۆلفون انده‌ر اۆزۆنه، گؤرمه‌سین اغیار گؤزۆن} _{اوْلسا کی کعبه‌یه سن پرده حجاب ائیله‌ییسه‌ن} _{گئجه گۆندۆز منه یوْخدۇر، سنین آلمێش خێیالێن} _{روحومو، جانێمێ گؤر عاشێقی نه صبری تالان ائیله‌ییسه‌ن} _{سنی گؤرمه‌گه گؤزۆم، گۆنله‌ری یوْلدا دایانێب} _{اؤزگه‌لرله دوْلانێب باغرێمێ قان ائیله‌ییسه‌ن} _{اۆز تۇتۇب آللاها من عرض-ی- شێکایه‌ت ائده‌ره‌م} _{بیر چؤنۆب حال-ی- نزارێمه نظر ائیله‌ییسه‌ن؟} _{سئوگی اوْلدۇن منه سن کعبه تکین هر گئجه گۆندۆز} _{قوْرخۇرام ایندیکی سن کعبه خراب ائیله‌ییسه‌ن} _{گلگینه‌ن جانێمێ آل، قوْیما قالام آی گؤزه‌لیم} _{اوْلمایا بیر بئله حالێما عجب سنده ریضا ائیله‌ییسه‌ن} _{13/6/1382 آلێ به‌یلی کندی} _{ـــــــــــــــــــــــــــــــــــــــــــــــــــــــــــــــــــــــــــــــــــــ} _{گؤزه‌لیم باغا دؤندۆ} _{یوْل چاشێب یانا دوْندۆ} _{خبر وئردی گلمیری} _{اۆره‌گیم قانا دؤندۆ} _{ـــــــــــــــــــــــــــــــــــــــــــــــــــــــــــــــــــــــــــــ} _{آچان چاغێ قیزیل گۆل} _{یار دئدی گلیره‌م گۆل} _{گلیب هله چاتمایێب} _{آچێب سوْلدۇ ختمی گۆل} _{* ختمی گۆل: بیر بوْیالێ و اۇجا آغاجلێ گؤزه‌ل گۆلدۆر.یازێن سوْنۇندا گۆل آچێب و درمه‌سن بۇتون یایێ گۆلۆ قالار. اوْنو دؤش مریضلیگینه نافع دییه‌رلر. قۇروسون سۆتده قاینادێب مریضه ایچرده‌لـله‌ر} _{ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ} _{وافاسێز گؤزه‌لیمه:} _{دۆنه‌ن دئدین من گلیره‌م گلمه‌دین} _{تیکدیم گؤرۆم یوْللارا سن گلمه‌دین} _{سن گله‌سن حاضێرلادێم قۇربانێ} _{اؤلدۆ قۇربان، قۇرودو قان گلمه‌دین} _{گؤزله‌ریمین کؤکۆ سؤکۆلدو گؤزه‌ل} _{قارانلێقدا ایتدی یوْللار گلمه‌دین} _{چێراق الده یوْل اۆسته من اوْتۇردۇم} _{سوْندۇ چێراق آچێلدێ دان گلمه‌دین} _{چوْخ دایاندێم یوْلۇن اۆسته گله‌سن} _{قێچ قۇرودو، توْز بۆرۆندۆم گلمه‌دین} _{چوْخ گئجه‌دی من یوْلۇوو گۆدیره‌م} _{اؤلۆم گلیب جان آلێری گلمه‌دین} _{آت گۆلۆ تک، گۆن چێخمامێشدان آچدێم} _{چێخدێ گۆنۆم سوْلدۇ گۆلۆم گلمه‌دین} _{گۆن قاباغێندا اریییب سۇ اوْلدۇم} _{باتدێ گۆنۆم، یاتدێ آیێم گلمه‌دین} _{من باخاراق یوْللارا هئی گؤزله‌دیم} _{یاندێ ایچیم، باتدێ گؤزۆم گلمه‌دین} _{بۇندان بئله من گئجه‌لر یاتمارام} _{شیکوه ائده‌م تانرێیا سن گلمه‌دین} _{رحمه گتیر اۆره‌گینی قوْی گله} _{چوْخ یالواردێم آللاها سن گلمه‌دین} _{بۆلبۆل ایله‌ن گئجه اوْتدۇم آغلادێم} _{چێخدێ گۆلۆ، گؤز قارالدێ گلمه‌دین} _{گؤزه‌لـله‌ر ده وافا اوْلماز دئدیله‌ر} _{یاندێ اۆره‌گ سێندێ بئلیم گلمه‌دین} _{دۆشدۆم یوْلا یوْل باشلادێم گلمه‌گه} _{قابار آیاق سۆرۆنۆره‌م گلمه‌دین} _{ائشیتمیشه‌م ساریداسان، سارایێم} _{گلدی سسیم چاتدێ سنه گلمه‌دین} _{من چێغیریب عالمه سس سالارام} _{دونیا بیله سن ائشیدیب گلمه‌دین} _{آغلاماقدان گؤزله‌ریم آغارێیدێر} _{گؤز گؤرمیری، سس یوْخدۇ سن گلمه‌دین} _{بوْشلامارام من اته‌گین گؤزه‌لیم} _{آتام الیم اته‌گینه گلمه‌دین} _{سن گؤزه‌له چوْخسێ‌لارێ حاصاردی} _{سێنماز تاپان اوْنا اوْلام گلمه‌دین} _{* تاپان نه دئمه‌ک؟ چپه‌ر (حاصار) کندلرده یوْلدا اوْلان بوْستانلارێن و آیری اؤنه‌ملی یئرلرین دؤیره‌سینه چکیلیر. بۇنا گؤره بیر چوْخ چالێ، شاخ شوه‌ل و شۆیۆر بیر ارخ ایچینده دیکینه قویلانێر امما اوْلاری یئل داغێدماسێن و حئیوانات توْخۇناندا تؤکۆلمه‌سین گره‌ک بیربیرینه دایاق اوْلالار. بۇردا ائنه آغاجلاری ایکی یانا قوْیۇب و اوْلارێ چپه‌ر آراسێندا کئچیریله‌ن بیر ایپ، قنه‌ف و جییه‌ ایله بیربیرینه باغلایێرلار. دئمه‌ک تاپان چپه‌ری بیر یئره یێغیب و ساغ}_{ساخلاماق اۆچون دیر.} _{ـــــــــــــــــــــــــــــــــــــــــــــــــــــــــــــــــــــ} _{آی زامانا؛ آی زامانا؛ آی زامانا} _{قوْیما منی باغرێم اوْلدۇ قان زامانا} _{بۇردا قالام، قۆربه‌ت ائوده جان قۇتارام} یوْلدا قالا گؤزله‌ریم، من سسلییه‌م ای وای زامانا \|+\| نوشته شده توسط MAHMİT در یکشنبه هفتم مهر 1387 \|


	یانلیش سئوگی یانلیش سئوگی \|+\| نوشته شده توسط MAHMİT در شنبه شانزدهم شهریور 1387 \|


	اونوت ^{ها دئسینلر هامی اؤلمه سه قوجالاجاق} ^{او گنچلیغین گؤزللیغی کیمسه یه قالمایاجاق} ^{ساناق اوزون بوزوشوپ ساچین آغاراجاق} ^{قارا گؤزلرینی سئومیشم، قارا قالاجاق} ^{پس دئمه اونوت بنی ،اوناتمام، آما سن اونوت کی سئوه نین وارمیش} ^{http://garagila.blogfa.com/} \|+\| نوشته شده توسط MAHMİT در سه شنبه هفتم خرداد 1387 \|


	ساری کوینک ساری کوینک ای خسته قوش اواره گزیرسن بو دیاری زنداندی قفسدی چمنی،باغی،باهاری گوزله اوزووی اوچی دی هریانی بو یوردون قوزغون کیمی دورت گوزلو گزیر کورپه شکاری فرصت دالی سینجا گزیر ال یئری تاپسا ویران قویاجاقیوردونی ای کوینکی ساری تیک اوز یووانی قویما سنه ال تاپا اوچی سن بو یووانئن صاحیبی سن،قان یئنه باری جهد ائیله کی،جان قورتاراسان اوچی الیندن دوشسن تورا،فریاد ائلمه،چک بو فشاری گولشنده کی یوخ ذوق وصفا ای ساری کوینک قاچ قاچ بو یئرین زهرلی دیر دارو نداری دیللنسن اگر،اوچی ائده ر قانئنا غلتان اوچسان آ یازئق!تیر جفا قلبینی یاری مین فئرتانا قالخئب،دوگه جک،باشئنا طوفان هر کیمده اولا،داغ کیمی دونیادا ووقاری گلسه نه قده ر دردو بلا ،داغ کیمی دور باخ ایدین دی بو سوز"توستو گئده ر گوچکه ساری" ایستر سنی صیاد اوزونه رام ائده امما اویغودا گوره ر،اج تویوق البتده کی داری بو یاخشی مثل دیر کی بیزیم ائلده دئمیشلر: بیر باخ اشاغا ،باخما اوزونده ن ده یوخاری غم غصه کیچیک قلبینی گر دوگسه سئخئلما بو گونده کئچر،اخیری،غملرده قوتاری اوندا کی چئخارگون،یاییلار عالمه بیرده ن اوندا کی قارادان یئری ،صبح اولجاق اغاری داغی-داشی اسوده خیالیله گزه رسن گولشنده نه شاختا گوره سن،داغدا نه قاری ظولمون ائوی ویران اولو ،ظالیم دوشه ر الدن قان دورماز اگر کسسه پئچاق قئرسا داماری بختین قاپوسی ایندی قئفئلانسا دارئخما! هر بیر قئفئلئن واردی طبیعتده اچاری اوز جانوویلن اویناما بو عرصه ده "شیدا" لیلاج دغلبازیله قئزدئر ما قوماری http://azarbaijanim.blogfa.com/ \|+\| نوشته شده توسط MAHMİT در سه شنبه هفتم خرداد 1387 \|


	ایت ^{دییه لر قورد گله نده ایت هوره ر} ^{گلدی قورد، قیردی سورو، هورمه دی ایت} ^{بابالار دییه رلر: دان سؤکوله ن آییق اولماسا چوبان} سوروسون قورد قیراجاق ^{دان اولاندا ایتی یوخو توتار} ^{بیر گئجه اویاق قالیب هوره ن ایت} ^{بیر دان چیخانا هوره نمه دی} ^{گئتدی سورو}... \|+\| نوشته شده توسط MAHMİT در سه شنبه هفتم خرداد 1387 \|


	آچ قاپيني من قاپي دا قالميشام آچ قاپيني من قاپي دا قالميشام بئش قيرانا بير لبه‌دار آلميشام آچ قاپيني من قاپي دا قالميشام دوشمه‌ن آليب يوردومو من قاچميشام قيلينجي وئريب بئله شال آلميشام آچ قاپيني من قاپي دا قالميشام بئش قيرانا بير لبه‌دار آلميشام يوردومو ترگيتديم اود ايچره بوگون جان گؤتوروب بير گئجه داغ آشميشام غئيره‌تي وئريب يئكه عار آلميشام آچ قاپيني من قاپي دا قالميشام بئش قيرانا بير لبه‌دار آلميشام خيردا بؤيوك آرواد كيشي جان وئرير من قورخودان اؤز يوردومو آتميشام وطن وئريب غوربتي جان آلميشام آچ قاپيني من قاپي دا قالميشام بئش قيرانا بير لبه‌دار آلميشام دوشمه‌ن كسير اؤلكه‌ميزده باشلاري من گيزله‌نيب باشي قارا سالميشام آسلاني وئريب بي سيچان آلميشام آچ قاپيني من قاپي دا قالميشام بئش قيرانا بير لبه‌دار آلميشام اؤلكه‌ده داغ داشلارا شئيطان قونوب من‌ده ائنيب چايا كولا قونموشام گديگي وئريب دره‌ني آلميشام آچ قاپيني من قاپي دا قالميشام بئش قيرانا بير لبه‌دار آلميشام اولدو منيم ديليم هامي‌دان ياوا آتديم او ديلي تزه ديل قانميشام توركجه وئريب فارسجاني جان آلميشام آچ قاپيني من قاپي دا قالميشام بئش قيرانا بير لبه‌دار آلميشام دوشمه‌ن آليب ديليمي ارديميمي هر نه قاليب اونودا من دانميشام ماهني وئريب بيلكي سورود آلميشام آچ قاپيني من قاپي دا قالميشام بئش قيرانا بير لبه‌دار آلميشام قويمادي دينيم قالا ظاليم يينه دين آدينا من ديليمي ساتميشام ديني وئريب كوفره پناه آلميشام آچ قاپيني من قاپي دا قالميشام بئش قيرانا بير لبه‌دار آلميشام گؤل قورويوب داغ اريييب اؤلكه‌ده منده داشلار ارخله‌ره دولدورموشام گولي وئريب تيكان ماحال آلميشام آچ قاپيني من قاپي دا قالميشام بئش قيرانا بير لبه‌دار آلميشام قويون اؤلوب آري قاچيب داغيليب منده اينه‌گي اودا ساللاميشام بالي وئريب چوخ قره موم آلميشام آچ قاپيني من قاپي دا قالميشام بئش قيرانا بير لبه‌دار آلميشام اؤلكه‌ده خئيروبره‌كت قالماييب هارپاكينان دوشمنه من آخميشام آلپ ارتونقا وئريب كوروش آلميشام آچ قاپيني من قاپي دا قالميشام بئش قيرانا بير لبه‌دار آلميشام ايگيدلرين باشلاري داشلار اوسته من پاشالارنان بئله ايش قورموشام كوراوغلونو وئريب پاشا آلميشام آچ قاپيني من قاپي دا قالميشام بئش قيرانا بير لبه‌دار آلميشام آتابابا سؤزلريني آتماغا درين قويو يئرلرده من قازميشام قورقود وئريب شاهدان نامه آلميشام آچ قاپيني من قاپي دا قالميشام بئش قيرانا بير لبه‌دار آلميشام دينين ديلين چئويرمه‌گه ميلله‌تين باغريما چوخ يابانجي‌لار باسميشام قاني وئريب يئرينه سو آلميشام آچ قاپيني من قاپي دا قالميشام بئش قيرانا بير لبه‌دار آلميشام ايندي دؤنوب ياخچي آدام اولموشام اوديررا من بؤركيمي يان قويموشام تورك بؤرك وئريب بير لبه‌دار آلميشام آچ قاپيني من قاپي دا قالميشام بئش قيرانا بير لبه‌دار آلميشام \|+\| نوشته شده توسط MAHMİT در شنبه بیستم مرداد 1386 \|


	گرده‌ك گئجه اوچ اولاي وار، اينسان اوچون چوخ اؤنه‌ملي اوچ لحظه‌دي بيزيسي دوغو لحظه‌سي هئچ نه آنمير اوشاق ندي هارا گليب نه ايشده‌دي؟ خاطيره‌سي اولماز اونون چوخسي اونودار داييم اونو بيريسي‌ده اؤلوم چاغي بيلير نه هاييدير اؤله‌ن آدام آمما الده‌ن گلمير بير ايش گره‌ك گئده خاطيره‌سي يوخدو گينه گئدير بوتون اونودولا بيري گيريش بو دونيايا بيري چيخيش بو دونيادان اوچونجوسو اونودولماز اونودولماز بير گئجه‌دير، تك بير گئجه چوخ شيريندي، خاطيره‌لي ... اؤلونجه گؤرده گؤره‌ني گرده‌ك گئجه، ياشاييشين باشلانيشي دادمالي چاغ اينسانليغي قيزيل ياناق، ايستي قوجاق، اوزون ساچلار، غونچه دوداق سس‌سيز – سميرسيز بير گئجه، سؤز دانيشان گؤزدو، اوره‌گ هئي چابالير قالخير گويه گرده‌ك گئجه، ايلكي گئجه، نجور ايشدي ائله گئجه قيزلن اوغلان دوز تانييرلار بير – بيرين شيرين سؤزلر گؤزلر سوزه‌ر، خيردا چيراق ايشيق تؤكر ايشيق هرده‌ن بوي بويلايار قيزدي گؤزه‌ل توموب باخار، اوغلان اونا الين چالار آهاي اوغلان دا ال دبه‌رد گرده‌ك گئجه بير گئجه‌دي شيرينليغي مين گئجه‌دي هه بالا اوغلان ديله گليب گئدين دا بوردا گؤزه ده‌يمه‌يين: «آهاي گؤزه‌ل، خومار گؤزلو قورخما خانيم گئدمه دالي گل قاباغا قادان آليم» ياواش توتوشاللار اولار پالتار سويوناللار اولار ايپه‌ك اوسته اوزانديلار سؤندير چيراق اوتانديلار يارين اولوب دا بسديده، حاييف گئجه كئچيب‌ديده ايكي گؤزه‌ل آيريلماغي چوخ چتين‌دي قوجاقلاشيبلا نه ايستي، تاققيلداتمايين قاپيني قويون اؤزلري اويانسين باشلاسينلار يئني دونيا گرده‌ك گئجه، ديش ديبينده قالار دادي كيمسه اونودماز اوزادي \|+\| نوشته شده توسط MAHMİT در شنبه بیستم مرداد 1386 \|


	گئجه گئجه قورخولو، قارانليق، سويوق بير سؤز گئجه، ايشيق‌سيز، سئحيرلي، آغير بير سؤز گئجه يوخولو، اؤلوملي، چتين بير سؤز گئجه دئسون، اوسته‌كي سؤزلر، دوزه‌لير گئجه دئسون، يوخو گؤزوننا‌ن سوزه‌لير آمما گئجه، حقيقتين گيزلين اوزو آمما گئجه، طبيعتين دوزگون اوزو آللاه‌چي‌لار ايسته‌گي‌دير گئجه، عاريف‌لر چاغي‌دير گئجه، اوغورلولار اويناغي‌دير گزه‌نه‌لر آز، ياتانلار چوخ ادامه مطلب \|+\| نوشته شده توسط MAHMİT در شنبه بیستم مرداد 1386 \|


	یارا گؤزه‌ليم بواوره‌گيم گئجه گوندوز سن اوچون چيرپينيري اؤزونو داغ – داشا چالير كول – كوسا وورور چيرپينيري آمما من بيلمئيوره‌م بو نه ايشدي اوز گؤزيم گؤر نه ساراليب باغريمي لخته قان آليب ديزلريمده‌ن طاقت آپاريب مني اؤلوم حالا ساليب واي منه داش باشيما كاشجا كور اولايدي گؤزيم آمما سن دئگينه‌ن بو اوره‌گه من نه دئييم اودا بيليبدي سؤزو «گؤزلرين دوز منه باخديقدا اوره‌گون اؤزگه اوچون چيرپينيري» \|+\| نوشته شده توسط MAHMİT در شنبه بیستم مرداد 1386 \|


	ماجرام *آهاي تورک بالالاري ائشيدين:* "کيمسه آتسا بير بئله بوحران چاغي اؤزيوردون اوباسين تانري آتسين داشيني مين اوزاق چؤلده اونون گؤرو قازيلسين" " کيم يارار دورماسا اؤز ميلله تينه بو دوروم هايدا اوتوراق اولسون اونو گون واريکه‌ن اؤز ياتاغيندا" *دوزگون سؤز* - آهاي هارا گئديسه‌ن؟ - مني دئييرسه‌ن آتا - هه بالام سني دئييره‌م سني، نه اوچوسن هارا بئله؟ ادامه مطلب \|+\| نوشته شده توسط MAHMİT در شنبه بیستم مرداد 1386 \|


	آداخلي‌لار آداخلي‌لار هاممي ياتيب گئجه کورسو توووندا آداخلي قيز آداخلي سي هاييندا وعده لري هامي ياتاندان سورا اوتايدا اوت آنباري کيمي يوخو آپاري اوره گلري نه چالي باش کسيلميش غاز تايي آتاسينين خورولتوسو اوجالدي آناسيدا قولون يانينا سالدي خيرده باجي قارداشي يورغان آلدي سوندو چيراق آچيق گوزلر قارالدي دامدا پيشيک گوزلري تئز پارالدي آداخلي قيز اوره گي تئز آتلاندي ياتمادي يئرده‌ن دوردي ياواشجا قاپي آچدي ايت هوردو قيز سوز آلدي آنبار ساري يوللاندي نفت چيراغي چيريلداييب يانيردي آداخلي لار بير-بيرينه باخيردي اوتايدان قورد اولوردو دام اوسته‌ن ايت هوروردو اوغلان اوتانجاق يار الين توتوبدو باش انديريب اونون الين سيخيبدي گله جکده‌ن دانيشيبلار اولار چوخ ايسته ديلر بير-بيرينه ياپيشسينلار بير آز چوخ قوجاقلاشيب بير-بيرلرين سيخديلر اوچون اوپوب دوردومجو ديشله ديلر بيرده‌ن بير سس گلدي کوپه گين قيزي هارا گئديبسه‌ن بو گئجه قيزغيني قيز دئدي اي واي نئجه اولدوم يازيق ادامه مطلب \|+\| نوشته شده توسط MAHMİT در شنبه بیستم مرداد 1386 \|


	قان آغلارام آغلارام اوزاق دوشه‌ن ائلیمه قان آغلارام اؤلونجه یوردو یوواما آللاه سن گؤر نئجه سالیبلار دارغینا بیزی آللاه یئرلری قان آلیبدیر اؤلکه‌م بته‌ر یانیبدیر سس گلمیری اوره‌کده‌ن اوره‌گی قان باسیبدیر داغلاریمیز قان آغلیر چایلار دولوبدو قانلا گئجه اولوبدو بیزه گونله‌ریمیزده آللاه وار یئر یاناخ بو چولده یوردسیز یوواسیز آللاه هئچ قالماییب دیلیمیز ایندی نیشانی آللاه آغلیر هامی بودونوم قان یاش اولوبدو گؤزلر قارداش دئمه‌ک چتین‌دی قارداشا ایندی آللاه هر یئره گؤز سالاندا دوشمن قونوبدو آللاه خازار دولوبدو قانلا داغلارآللاه قان آللاه بابا اوشاقلاریمیز اؤز دبله‌رین اونوتدو قاری قوجا هامیسی قالمیش نواسیز آللاه بوغازلاری آلیب قان سس گلمیری اوجادان سس‌لر دوشه‌نده یوردا تئز باغلانیر آی آللاه قاغام واریم دییه‌نله‌ر بو یوردودا یووام وار قاغاسین اؤلدوره‌نلر یووا اوچوردور آللاه ایللــه‌ر بویو قالان دیل ایندی دوشوب نه حاله ظالیم بو دوشمه‌نیمیز اود سالدی جانا آللاه باغلاریمیز قورودو داغلاریمیز اریدی ظولمون ائوین اؤزین ییخ قالمادی ائلیم آللاه آتا بابا دیلیمیز سن اؤرگه‌دن بو سؤزلر بیرگؤر نه تنگه دوشموش ائلیم اوبام داغیلدی رحم ائت بیزه سن آللاه سسله اؤزین بو میللـــه‌ت بلکه دوروب اویانسین بو ظالیملر ائوینی وئرسین یئره ائل آللاه \|+\| نوشته شده توسط MAHMİT در شنبه بیستم مرداد 1386 \|


	جاواپ جاواپ آغ داغ بالاسی گؤزه‌ل جئیران سؤزلرین نه تانیشدی کیتابون آشجاغین منله دانیشدی نه بیللئیدیم بو اوره‌ک سئله قاریشدی اوخودوقجا اوره‌گیم غمله باریشدی یازماییبسان هارالی‌سان هارداسان بئله بیلدیم کندلی‌سن گول پاراسی دوزدی کی هر گله‌ن سنه همراز اولماز آمما گؤردوم سنده منیم تک یارالی‌سان سؤزلرین دردله دولوب گیزلین دی دئمه‌ک آی گولوم سؤیله‌گینه‌ن سن او نده‌ن گؤرسه‌نمه‌ز من کیمه‌م وارمی حالون سن دانیشام ادامه مطلب \|+\| نوشته شده توسط MAHMİT در شنبه بیستم مرداد 1386 \|


	ایندی ... و ایندی نئینه‌مه‌لی چاغیریم، باغیریم، آغلاییم، گولوم، قاچیم، یاتیم، دوروم نه ائديم؟ بير يول وارمي؟ قولوم باغلی، دیلیم باغلی هر قاپی دؤیوره‌م باغلی هر يئره باخيرام باغلي مين دارغيندا مين قاپيسي واردي باغلي گينه منيم قولوم باغلي يوخ .... باش گؤتوره‌م قاچام بوردان هارا اولا هارا گئده آمما ... آیاقلاریمدا وار کونده یولوم باغلی بئله قالام نجورسی من؟ یاتانمیرام جیرتدان کیمین آغ دوو ایتیلدیری دیشین سارام ظاليم خان الينده ائيوازدان يوخ خبر گينه ساري اينه‌ك كسيلمه‌ده فاطما خانيم گؤزي آراز گره‌ک دورام دا ياتمايام اليمه بير ياراق آلام قارنینا من تاخام دیشین پيچاق آلام نخيرچينين گؤزده‌ن ياشين سيله‌م قيزين باسقی آلتیندا آي تاري آزجا قالیب بئلیم سینه كونده كسير قيچيم گينه آغير داشلار سينه‌م اوسته جييه‌ر داغلي نفس باغلي اوجاق يانير قازان اوسته ساليب مني توربا ايچره هاني منيم كولا تييه‌م آيدين هاني؟ خان چوبانيم؟ دييه‌ن وارمي چاغيرانيم؟ آمما ... قولاغ باغلي دوداق باغلي گوزوم باغلی سؤزوم باغلی قاچاق یوللار بوتون باغلی تييه آغزي چؤنوب باغلي قورتولوشا کئچه‌ک باغلی كئچه‌جه‌كلر بوتون باغلي آدداماجلار اوچوب بوردا قيچلر باغلي آمما ... آرتيق بؤيوكدي نيسگيليم آزادلیغین آدی اؤلوب وای اؤزونه دونیا منه قارشی دؤنوب بیر بئله ظولمه گؤز سيخيب واي ائليمه واي اؤزومه هاممی گؤزلر اولوب باغلی اوره‌گلر داش اولوب باغلی سهند دئدی شانسیما باخ طالئحیمه داغلاردا اولوبدی باغلی باغلاردا قورویوب باغلی چایلار بوزا دؤنوب باغلی گؤللـه‌ر دنیزلرده باغلی سو آخماغا زينه باغلي گؤیه باخماق نفس چکمه‌ک تورک ائلیمنه‌ن آد آپارماق آنا دیلده دئمه‌ک سؤزلر آنالارین دیلی باغلی ساري اينه‌ك، فاطما، سارا اوره‌گ تامارزي آيدينا آيدين كيمدي؟ منم، سن سن آرخاداشيم آرخالارا داشلار باغلي بير باخ گئدير قان آياغي خازار بوتون قان بوياغي ايران بوتون تورك اوولاغي دوزگون بير باخ قيزيل قاندي دؤرد بوجاغي توركون آدين دئسه‌ن باغلي نده‌نسه‌ده وار يوخوموز اولوب باغلي؟ آ يولداشيم يوللار دولوب داشلا باغلي وارليغا داش قيه باغلي دريميزده‌ن تؤشه‌ك باغلي يورغان باغلي سامان باسيبدي دريمه پيچاق يئتيبدي سوموگه نفس گلمير آ يولداشيم سن بير اويان باغريم چاتدادي واي باغلي گؤزيم قان آغلايير باغلي قارداش هاني باجي هاني آتا هاني بابا هاني آتالارين الي باغلي آنالارين ديلي باغلي بئل بوكولوب يوماغ اولوب ايگيد بو درده قان قوسوب فوشغا وئره قانيم باغلي دامار وارمي؟ دامار باغلي؟ قان قورويوب؟ قان آخماغا يوللار باغلي مارال هاني؟ جئيران هاني؟ كل اؤكوزيم كليل قوچوم؟ سولار باغلي جئيران گزمير مارال آغلار بولاغ گزير گؤز ياشيننان سو ايسته‌يير مينلر آنا بالا گزير آمما ... گؤز ياشيدا اولوب باغلي مارال وئرير جان آي آمان دئمه‌لی‌ییک: اولماقدا اولوبدی باغلی یالنیز باغلی یالنیز باغلی یالنیز باغلی \|+\| نوشته شده توسط MAHMİT در شنبه بیستم مرداد 1386 \|


	من کیمه م من كيمه‌م كيم نه بيلير؟ وارمي بيله‌ن نئجه گلديم نييه گلديم بورامن؟ آنجاق اينسانام من واردي ديليم واردي ائليم اؤيره‌نيره‌م دوشونيره‌م بيليره‌م آنجاق اينسانام من گؤبه‌له‌ك تك عمله گلمه‌ميشم واردي آنام واردي آتام منده يورد صاحي‌بي‌يه‌م واردي يووام منده كئچميشده ايزيم ساخلاميشام واردي داشيم واردي آديم منده گله‌جك ايسته‌ييره‌م اينسان ياشايام باش اوجاليق ايسته‌ييره‌م منده حق صاحي‌بي‌يه‌م هامي‌دان اونجه بيز اينانديك آزادليغا صولحه اينسانليغا هامي‌دان اونجه بيز چاليشديك هامي‌دان آرتيق بيز جان وئرديك آزادليغا صولحه اينسانليغا اينديجه نييه اولوب بو ايشيق گونلر قارانليق گئجه بيزه نده‌نسه منيم اينسانليغيم هئي دانيلير ندي سوچوم نييه آزادليق قاپي‌سي ايندي آزادليغ چاغي قالين قه‌ييم منيم اؤزومه باغلانير آمما ... وارليغيم كيمسه دانانماز من وارام ايناميم وار واردي ديليم واردي دينيم كيم‌مي اينانماز؟ هاممي اينانسين من اينانديم اونا ... ميلله‌تيم وار يورد يووام وار گول تك اؤلكه‌م آتا بابام گؤزه‌ل آذربايجانيم وار \|+\| نوشته شده توسط MAHMİT در شنبه بیستم مرداد 1386 \|